MASWALI YA MARA KWA MARA

Maswali Yanayoulizwa Zaidi (FAQs)

Mfumo wetu unatoa elimu sahihi ya dini ya Kiislamu kupitia mpangilio rasmi wa masomo yafuatayo:

• 1. Qur'an na Tajwiid
• 2. Hadith na Sunnah
• 3. Fiqhi na Al Usuul
• 4. Aqiidah na Tawhiid
• 5. Taariikh na Siirah
• 6. Lugha ya Kiarabu (Nahwu, Swarfu, Khattw, Imla, Taabiir, Al-Kitaabah na Al-Qira'ah)
• 7. Adyaan, Misingi ya Da‘awah na Maadili ya Kiislamu

Masomo ya Online yanatolewa kwa njia ya mtandao (kupitia WhatsApp na programu zingine za kidijitali). Wanafunzi wanapokea masomo, video, maelezo ya sauti (audio), na miongozo kutoka kwa walimu, na wanaweza kusoma na kufanya mapitio wakiwa mahali popote walipo duniani kwa urahisi.

Kambi (Boarding): Wanafunzi wanakaa kituoni/bweni kwa muda wote wa masomo chini ya uangalizi maalum wa malezi na ibada.
Kutwa (Day): Wanafunzi wanakuja kituoni asubuhi kujifunza na kurudi nyumbani jioni.
Online: Wanafunzi wanajifunza kidijitali wakiwa nyumbani kwao kupitia simu au kompyuta bila kuhitaji kufika kituoni kimwili.

Mifumo yetu ya elimu imetengenezwa kukidhi mahitaji ya wanafunzi wa umri tofauti. Tuna madarasa maalum ya watoto (kuanzia miaka 5 na kuendelea) na pia tuna madarasa na miongozo maalum kwa ajili ya watu wazima wanaotaka kujifunza tanzu mwanzo au kuongeza maarifa yao.

Unaweza kusajili kwa urahisi kabisa kupitia tovuti hii. Nenda kwenye menyu kuu juu, chagua "USAJILI WA WANAFUNZI NA WALIMU", kisha chagua fomu ya mfumo unaomfaa (Kambi, Kutwa, au Online), Kisha Chagua Ngazi (Tamhiid, Mutawassitwah, au Thaanawiy) jaza taarifa kwa usahihi na kisha bonyeza "Tuma". Utatumiwa ujumbe wa uthibitisho.

Ada zenu zimegawanyika kulingana na mfumo wa masomo (Kambi, Kutwa, au Online) na ngazi ya mwanafunzi. Ili kurahisisha malezi, tunaruhusu ada kulipwa kwa awamu (kila mwezi au kwa muhula). Maelezo kamili ya viwango vya ada yanapatikana kwenye ukurasa wetu rasmi wa "RATIBA SILABASI NA ADA" ndani ya tovuti hii.

Ndiyo, AMAN VISSION ina mfumo rasmi wa tathmini. Wanafunzi hufanya mitihani na majaribio ya mara kwa mara ili kupima uelewa wao. Baada ya kukamilisha kozi au ngazi fulani ya masomo kwa mafanikio, mwanafunzi hutunukiwa Cheti Rasmi cha Ushahidi wa masomo yake.

Usalama na malezi ya kimaadili ndiyo nguzo kuu ya kambi zetu. Kambi zote zina usimamizi wa karibu sana wa masaa 24 kutoka kwa walimu na walezi wetu. Kuna mgawanyo thabiti na wa kipekee kati ya wanafunzi wa kiume na wa kike, na mazingira yote yanalindwa ili kuhakikisha usalama wa kiwmili na kiroho wa mwanafunzi.

Tuna ukurasa maalum wa "MAKTABA YA VITABU" ndani ya tovuti hii. Kupitia ukurasa huo, wanafunzi na wasomaji wanaweza kusoma au kupakua (download) vitabu, majedwali ya masomo, muundo wa ratiba, na vipeperushi mbalimbali vya kielimu vilivyoandaliwa kwa usahihi.

Mfumo wa Elimu ya Dini ya Kiislamu wa AMAN VISSION unamilikiwa, kuanzishwa na kuendeshwa chini ya usimamizi mkuu wa Mwalimu wa Kiislamu: Aman Ismail Hussein akishirikiana na jopo la walimu waliobobea na wataalamu wa mifumo ya teknolojia ya elimu.

Mtaala wetu umegawanywa katika ngazi kuu tatu za kiakademia ili kumpa mwanafunzi makuzi sahihi ya kielimu:

• 1. Ngazi ya Tamhiid (Mwanzo/Msingi): Inachukua muda wa Mwaka Mmoja (Mihula 2).
• 2. Ngazi ya Mutawassitwah (Kati): Inachukua muda wa Miaka Miwili (Mihula 4).
• 3. Ngazi ya Thaanawiy (Juu): Inachukua muda wa Miaka Miwili (Mihula 4).

Katika Ngazi ya kwanza ya Tamhiid, mwanafunzi anajengewa msingi imara kupitia vitabu vifuatavyo:

• Al-Qaaidat Nnooraaniyyah na Tuhfatul Atwfaal (Tajwiid na Usomaji sahihi).
• Thalaathatul Usool (Misingi mitatu ya kiitikadi na ki-Aqiidah).
• Al-Fiqhul Muyassar (Misingi ya Twahara na Swala).
• Duruus LLughatul Arabiyyah (Juzuu ya 1) na Qawaaidul Imlaa (Lugha ya Kiarabu).
• Khulaaswat Nnuurul Yaqiin (Juzuu ya 1) (Maisha ya Mtume ﷺ).

Katika hatua hii ya kati ya uchambuzi, mwanafunzi anasoma vitabu vyenye uzito mkubwa vikiwemo:

• Hidaayatul Mustafiid (Elimu ya Tajwiid ya Juu).
• Al-Arba'iina Nnawawiyyah (Hadithi ya 21 hadi 42) (Hadithi za Mtume ﷺ).
• Matnul Ghaayat Wattaqriib (Abi Shujaa) na Al-Waraqat (Fiqhi na Usool al-Fiqh).
• Al-Qawa'id Al-Arba' na Kitab at-Tawheed (Aqiidah na Ulinzi wa Tauhidi).
• Al-Ajruumiyyah na Matnul Binaa wal-Asaas (Sarufi ya Nahwu & Swarfu).
• Khulaaswat Nnuurul Yaqiin (Jz 2 & 3), Kitaabul Kabaair, na Adda'wah ila Llaah.

Hiki ni kilele cha juu cha utafiti, na mwanafunzi anasoma vitabu vya viwango vya juu vya vyuo vikuu:

• Matnul Jazariyyah (Hukumu ngumu na sifa za herufi za Qur'ani).
• Umdatul Ahkaam na miongozo ya Buluughul Maraam (Hadithi za Kisheria).
• Manhaj Ssaalikiin cha Sheikh As-Sa'di (Fiqhi ya kiutafiti iliyounganishwa na dalili).
• Al-Aqiidah Al-Waaswitwiyyah ya Ibn Taymiyyah (Itikadi ya Majina na Sifa za Allah).
• Ar-Raheequl Makhtoom (Wasifu wa kina wa Mtume ﷺ) na Qiswasul Anbiyaai.
• Al-Qiraa'at Rrashiidah (Ufasaha wa insha na hotuba za Kiarabu).
• Al-Milal wa Nnihal (Kulinganisha dini, madhehebu na makundi).

Ndiyo, inawezekana. Ikiwa mwanafunzi ana msingi mzuri wa awali wa lugha ya Kiarabu na usomaji wa Qur'ani, uongozi chini ya Mwalimu wa kiislamu: Aman Ismail Hussein utamfanyia tathmini au mtihani maalum wa mchujo (Placement Test). Akifaulu, ataruhusiwa kuingia moja kwa moja kwenye Ngazi ya Mutawassitwah au Thaanawiy inayolingana na uwezo wake.

Mtaala wetu wa mtandaoni umeandaliwa kwa unyumbulifu mkubwa (flexibility). Masomo yanatumwa yakiwa katika mfumo wa sauti (audio) safi, video, na PDFs, jambo linalomruhusu mwanafunzi kusoma kwa muda wake wa nafasi—iwe usiku baada ya kazi, asubuhi mapema, au nyakati za mapumziko ya wiki (weekends) pasina kuingiliana na majukumu yake ya kila siku.

Ndiyo, mfumo wetu wa Online hauna mipaka ya kijiografia. Tuna idadi kubwa ya wanafunzi kutoka nchi mbalimbali duniani (ikiwemo nchi za Afrika Mashariki, Oman, Saudi Arabia, Ulaya, na Amerika) wanaosoma kwa mafanikio makubwa kupitia njia ya kidijitali na wanashiriki majaribio na kupata vyeti vyao kama wanafunzi wengine.

"Mudhaakarah" ni utaratibu wa kipekee wa vikundi vya majadiliano unaofanyika asubuhi na usiku ndani ya Kambi (Boarding). Chini ya uangalizi wa walimu wa zamu, wanafunzi wanasaidiana kurudia masomo magumu ya sarufi ya Kiarabu (Nahwu/Swarfu), kuhifadhiana Qur'ani, na kukumbushana masuala ya Fiqhi, jambo linalomfanya mwanafunzi aelewe kwa haraka zaidi.

Kabisa! Mtaala unaosomeka hapa AMAN VISSION, hasa unapokamilisha Ngazi ya Thaanawiy (Juu), unakidhi vigezo vyote vikubwa vya kimataifa vya elimu ya Kiislamu. Mwanafunzi anayehitimu anakuwa na uwezo mkubwa wa lugha ya Kiarabu na maarifa ya Shariah yanayomwezesha kufanya mitihani ya kudahiliwa na kujiunga na Vyuo Vikuu vikubwa vya nchi za Kiarabu kwa urahisi.

Ikiwa utakutana na changamoto yoyote wakati wa usajili kwenye fomu za Kambi, Kutwa, au Online, unaweza kuwasiliana moja kwa moja na timu yetu ya usaidizi kupitia ukurasa wetu wa "Wasiliana Nasi" uliopo kwenye menyu ya tovuti hii, au tumia namba rasmi za simu na WhatsApp zilizowekwa chini kabisa kwenye sehemu ya footer ya tovuti kwa msaada wa haraka.

AMAN VISSION

Reach Beyond Limits